Etterretningstenesta – Viten om verda for vern av Noreg

Oppdraget til Etterretningstenesta er å samle inn informasjon og varsle om forhold i utlandet som kan truge Noreg og norske interesser. Vi søkjer no etter fagleiar for innhenting av geografiske data.

Vi har ledig fast stilling som senioringeniør med hovudoppgåvar knytte til fagleg leiing og vidareutvikling innanfor ansvarsområdet til faggruppa.

Hovudoppgåvene til faggruppa er å hente inn og strukturere oppdatert og relevant geografisk informasjon. Det vil også være aktuelt å jobbe med ikkje-geografiske grunnlagsdata.

Avdelinga som stillinga er underlagd, har ansvar for å understøtte både Forsvaret generelt og Etterretningstenesta spesielt med rettidig og relevant geografisk, meteorologisk og oseanografisk informasjon (GEOMETOC).

Vi kan tilby spennande arbeidsoppgåver der det du er med på å levere, kjem til direkte nytte på alle nivå i Forsvaret og Etterretningstenesta.

Hos oss kan du få annleis opplevingar, og vi kan love deg eit hyggeleg arbeidsmiljø!

Vi er avhengig av mangfald i perspektiv og erfaringar for å løyse oppdraga våre. Difor ønskjer vi å rekruttere medarbeidarar med ulik bakgrunn og ulike livserfaringar til å arbeide hos oss.

Vi oppmodar kvinner til å søkje stillinga.

Arbeidsoppgåver

• Koordinere og bidra med innhenting av informasjon frå opne, eksterne og interne kjelder for strukturert lagring, distribusjon og presentasjon på sikre plattformer i Etterretningstenesta og Forsvaret, mellom anna ved å setje opp og administrere flyt av data mellom ulike nettverk gjennom løysingar for sikker informasjonsutveksling.
  
• Koordinere brukarbehov, prioritere oppgåver og vera ein fagleg ressursperson innanfor ansvarsområdet til faggruppa.
  
• Følgje opp automatisert flyt av digital geografisk informasjon til sikre nettverk i Forsvaret og Etterretningstenesta.
  
• Representere avdelinga i råd, utval og samarbeidsorgan, nasjonalt og internasjonalt.
  
• Yte fagleg støtte, rådgjeving og undervisning/opplæring til prosjekt og avdelingar i Forsvaret og Etterretningstenesta innanfor ansvarsområdet til faggruppa.

Kvalifikasjonar

Du må oppfylle desse krava for å bli vurdert som aktuell søkjar til stillinga:

• Mastergrad eller tilsvarande utdanningsnivå, fortrinnsvis innanfor geomatikk, informatikk eller ei liknande studieretning. Anna relevant utdanning og fleirårig erfaring med god resultatoppnåing vil etter vurdering kunne kompensere for manglande formell utdanning.
• Relevant arbeidserfaring.
  
• God skriftleg og munnleg framstillingsevne på norsk og engelsk.

I tillegg er det ønskjeleg om du har kompetanse innanfor:

• fagleiing og teamarbeid
  
• skripting og programmering, gjerne i Python
  
• automatisert prosessering av data, til dømes ved hjelp av Apache Airflow, Apache Nifi, FME
  
• databasar, til dømes PostgreSQL/PostGIS eller andre SQL-databasar.
  
• geografiske informasjonssystem (GIS), som QGIS eller ArcGIS
  
• containerteknologi, til dømes Docker og Kubernetes
  
• prosjektarbeid
  
• Forsvarets verksemd og Forsvarets IKT-infrastruktur

Du må leggje ved vitnemål og andre attestar som stadfestar den høgaste utdanninga di, for å bli vurdert som søkjar.

Særskilde krav for stillingar i Etterretningstenesta: 

Søkjarar må tilfredsstille krava til høgaste tryggingsklarering.

For å bli tilsett i Etterretningstenesta kan du ikkje ha anna enn norsk statsborgarskap på tidspunktet du blir tilsett. 

Stillinga er underlagd beordringsplikt, jf. forsvarslova og forsvarstilsetteforskrifta. Det inneber at du kan bli beordra til internasjonale operasjonar. Dette skjer normalt på grunnlag av villigheit. Beordringsplikt medfører krav til medisinsk og fysisk dugleik og grunnleggjande engelskkunnskapar. Dersom du ikkje oppfyller krava, kan du søkje dispensasjon.

Personlege eigenskapar

Vi legg stor vekt på kor personleg eigna du er for ei stilling i Etterretningstenesta:

• Prinsippfast og påliteleg: Etterretningstenesta krev at medarbeidarane er pålitelege og lojale med høg fagleg og personleg integritet.
• Lærelyst og strukturert: Vi søkjer personar som brenn for fagfeltet sitt, og som møter arbeidsdagen med lærelyst og eit ønskje om å levere gode resultat.
• Samspel og samarbeid: I Etterretningstenesta er vi opptekne av å ha eit godt arbeidsmiljø. God lagånd, respekt og toleranse i møte med andre er av stor betydning.
• Stressmeistring: Det er ein føresetnad at medarbeidarane våre har evne til å handtere periodar med stor arbeidsbelastning.

Vi krev dessutan gode samarbeids- og kommunikasjonsevner for den konkrete stillinga som fagleiar.

Vi tilbyr

Hos oss får du ein spannande og samfunnsnyttig jobb der du vil kunne utgjere ein forskjell.

Etterretningstenesta er opptatt av å auke kompetansen hos dei tilsette, og vi vil satse på både deg som person og faginteressa di.

Våre tilsette har fleksitid, kan trene i arbeidstida, samt gunstige lån- og pensjonsordningar gjennom Statens pensjonskasse.

Du vil få ei årsløn innanfor spennet kr 785 000 - 980 000 i stillinga som senioringeniør (kode 1181) i samsvar med  gjeldande Hovudtariffavtale. For spesielt kvalifiserte søkjarar kan høgare lønn vurderast.

Kontaktinformasjon

HR, 23 09 43 22

Arbeidssted

Lutvannsveien 60
0676 Oslo

Nøkkelinformasjon:

Arbeidsgiver: Etterretningstjenesten

Referansenr.: 5205983202
Stillingsprosent: 100%
Fast
Søknadsfrist: 20.11.2026